தமிழர்களுக்கு இருக்கும் ஒரே வழி இது மட்டும் தான்! சம்பந்தன் ஆணித்தரமான பதில்

எதிர்வரும் நாடாளுமன்ற பொதுத்தேர்தலில் தமிழ்த் தேசிய கூட்டமைப்பு தமிழர் தாயகப்பகுதிகளில் 20 ஆசனங்களை நிச்சயம் பெறுமென தமிழ் தேசிய கூட்டமைப்பின் தலைவர் இரா.சம்பந்தன் தெரிவித்துள்ளார்.

இன்றையதினம் திருகோணமலையில் உள்ள அவரது இல்லத்தில் செய்தியாளர்களை சந்தித்த போதே அவர் இதனைத் தெரிவித்துள்ளார்.

இதேவேளை தமிழ் பேசும் மக்கள் வாக்குகளை பிரிக்காமல் ஒரு குடையின் கீழ் தங்களது வாக்குகளை அளித்து சர்வதேசத்துக்கு ஒரு நல்ல செய்தியை எடுத்துக்காட்ட வேண்டும் எனவும்,

தமிழ் மக்களுக்கான சரியான ஒரு அரசியல் தீர்வை பெற வேண்டிய சந்தர்ப்பத்தில் நாங்கள் இருக்கின்றோம். ஆகவே இம்முறை எந்த அரசாங்கம் வந்தாலும் சேர்ந்து செயற்படத் தயார் எனவும் தெரிவித்துள்ளார்.